BUTUAN CITY – Mu-abot sa 3,698 ka mga magtutudlo ang i-hire sa Department of Education kon DepEd-Caraga karong tuiga.
Sa eksklusibong pakighinabi sa Bombo Radyo Butuan, gipadayag ni regional spokesperson Pedro Tecson nga sa maong ihap, 2,600 matud pa niini mga elementary teachers samtang 725 ang alang sa junior high school samtang 373 ang alang sa senior high. Higayong magpublisar na matud pa sila og hiring aron tapalan ang proseso, adiser na magsugod ang proseso kansa duna’y gisunod nga timeline.
Ang quota sa mga i-hire nga magtutudlo ning rehiyon, parte lang sa gibana-banang 30-mil ka mga magtutudlo nga gi-hire sa entiro nasud.
Giklaro usab sa opisyal nga mahimo rang isubmite online ang aplikasyon ug mga dokumento sa mga aplikante samtang online usab ang interview gawas sa higayong duna usa’y kinahanglanon nga physical presence.
Samtang sa konstruksyon sa mga lawak-tunghaan sa entiro rehiyon nga gisugdan niadtong tuig 2024, gipadayag sa opisyal nga sa kinatibuk-an, mi-abot sa 196 ang mga project classrooms.
Sa maong ihap, 87 na ang nakompleto na samtang 65 ang padayon pa ug 44 ang mao pay pagmontar sa foundation ug mga haligi.
