BUTUAN CITY – Mi-ani og nagkada-iyang reaksyon ang pinakabag-ong padungog-dungog ni Senadora Imee Marcos batok kang Sen. Ping Lacson ug sa gitawag nga “Pink” group.
Sa iyang bag-ong gipagawas nga video, gipunting pag-usab ni Marcos ang mga iregularidad sa flood control projects. Daw game show ang dating sa senadora sa pag-atake sa usa ka politiko nga nagsugod sa letrang “P” nga nag-usab-usab og political alliance depende sa agenda ug aron magpabilin sa gahum.
Nagtagna pa si Marcos og “Political Butterfly,” apan ang husto matud pa nga tubag mao ang “Pink” kondiin misiga pa ang mata niini dayong sulti sa pulong nga Ping nga nagtumbok kang Senador Ping Lacson kansa daling gikurihian ngadto sa pulong nga Pink – kansa usa ka kolor.
Una na nang nagbinirahay ang duha ka magbabalaud tungod sa mga padungog-dungog sa senadora sa proseso sa budget ug hearings. Apan sigon ni Lacson, mismong si Marcos adunay P2.5 bilyon nga alokasyon sa 2025 budget sa ‘allocables’, base sa gitawag nga “Cabral Files” apan ginegar kini sa senador pinaagi sa pagbutyag nga wala siya makadawat sa maong pundo tungod kay wishlist lang nga gipasa sa DPWH ug gi-tag nga “For Later Release” o FLR.
