BUTUAN CITY – Gitudlo isip caretaker sa nasud samtang si President Ferdinand “Bongbong” Marcos Jr. atua sa Abu Dhabi sa United Arab Emirates alang sa iyang working visit, sila Executive Secretary Ralph Recto, Agrarian Reform Secretary Conrado Estrella III, ug Social Welfare and Development Secretary Rex Gatchalian.
Kini gipahibalo ni Palace Press Officer Undersecretary Atty. Claire Castro atol sa press briefing karong adlawa. Sumala ni Castro, mobiyahe si Marcos sa UAE aron motambong sa pagpirma sa Memorandum of Understanding kalabot sa defense cooperation ug sa Comprehensive Economic Partnership Agreement tali sa Pilipinas ug United Arab Emirates.
Ang UAE nagpadayon sa lig-on nga relasyon sa Pilipinas sukad sa pormal nga pagsugod sa diplomatikong relasyon niadtong Agosto 19, 1974.
Labaw pa sa pamatigayon ug ekonomikanhong panag-uban, ang UAE naghatag usab og humanitarian ug development aid nga nahimong kabahin sa ilang foreign policy alang sa Pilipinas.
