BUTUAN CITY – Na-obserbahan ang crater glow o banaag sa baba sa Bulkang Mayon, pasado alas-7 kagabii Miyerkules, Enero 7.
Sumala ni Philippine Institute of Volcanology and Seismology Chief Volcano Monitoring and Eruption Prediction Division Mariton Bornas, kini mugna sa pag-init sa atmosphere ibabaw sa bulkan tungod sa nanggawas nga init sa volcanic gas gikan sa bag-ong expose nga magma sa baba niini.
Kini nagpasabot nga, laumang adunay lava flow bisan unsa mang orasa kung mag-destabilize ang pag-gawas sa bag-ong materyales o bag-ong lava sa baba sa bulkan. Pagklaro ni Bornas nga kadaghanan sa natalang rockfall tungod sa nanggawas nga bag-ong lava, gikan sa natigom nga daang lava.
Padayon usab ang pagpahinumdum sa opisyal nga likayan ang pagsulod sa 6-kilometer permanent danger zone ilabina sa habagatang parte sa bulkan tungod sa peligro sa volcanic hazards.
Gipahimangnuan usab ang mga residente nga anaa sulod sa 6-kilometer permanent radius zone nga kinahanglan na nga mamakwit ug mosunod sa mga pahimangno sa lokal nga panggamhanan dungan sa pagpahimangno sa mga turista nga mubisita nga dili magpatuga-tuga og duol inay, obserbaran na lang kini sa luwas nga lugar.
