BUTUAN CITY – Gi-isa na sa Alert Level 3 sa Philippine Institute of Volcanology and Seismology kon Phivolcs ang Bulkang Mayon tungod sa dome collapse nga gisundan sa pagdagayday sa pyroclastic density current (PDC) sugod kaganinang alas-12:26 sa udto.
Ang PDC, nga gitawag usab og “uson” sa mga residente, posibleng makadaot sa mga tawo nga anaa sa tiilan sa bulkan. Milungtad ang pagdagayday sa lava gikan sa ba-ba sa bulkan ngadto sa 3-minutos rason nga la-uman na ang mas hugot nga lakang nga himuon sa mga hingtungdang lokal nga kagamhanan sa palibot nga mga lungsod ug siyudad. Tungod kay anaa na sa alert level 3 ang bulkang Mayon, otomatiko nang ihikling ang mga residenteng nagpuyo duol sa 6-kilometer permanent danger zone.
Gipaniguro usab sa mga local government units nga andam sila paghikling sa mga tawo ug paghatag kanila sa iyang mga kinahanglanon.
Samtang ang Civil Aviation Authority nagpagawas og pahimangno sa mga piloto nga likayan ang palibot sa Mayon hangtod sa 11,000 feet tungod sa peligro sa kalit nga phreatic eruptions.
