BUTUAN CITY – Misentro sa mga hagit ug inspirasyon alang sa mga kalampusan ang State of the Network Address ni Bombo Radyo Philippines President ug Chief Executive Officer Ms. Margaret Ruth C. Florete.
Kini subay sa nagpadayon nga Bombo Radyo Philippines Top Level Management Conference nga adunay temang “Bombo Radyo Philippines: Celebrating 60 Years of Media Excellence” nga gipahigayon sa Iloilo City sugod kagahapong adlawa Enero 5 hangtud Enero 11.
Sa iyang pagpamulong, gihagit sa network president ang dugang nga pag-uswag aron pagkab-ot sa mahinungdanon mga pangandoy sa mga empleyado ug sa matag-bahin sa network.
Sumala pa ni Ms. Florete, ubos sa pagpanguna ni Network Captain Dr. Rogelio M. Florete, kinahanglan ang taas nga standard aron mahimong giya sa pagsunod sa matag-usa ug usab sa kabahinan sa Network, aron dungan nga magmalampuson.
Samtang gidayeg usab sa Network President ang mga pag-ilang nakab-ot sa kompanya ingon man ang mga kada-ugan nga gihatag kang Dr. Florete sa iyang unom ka dekada nga pagpangulo sa Bombo Radyo Philippines isip usa ka lig-on nga Broadcast Network.
Mga ka-Bombo ug ka-Star Nation, kabahin kana sa mga kalampusan nga nakab-ot sa atong Chairman sa Bombo Radyo Philippines nga si Dr. Rogelio M. Florete
