BUTUAN CITY – Misakmit ang Team Philippines Pilipinas og 10 ka gold medals sa Day 8 sa 33rd Southeast Asian (SEA) Games sa Thailand, nga gipangubahan sa usa ka makasaysayang kalampusan sa football human napildi sa Filipinas women’s football teamang 4-time champion Vietnam pinaagi sa penalty shootout, aron makuha ang unang SEA Games football title sa kasaysayan sa nasud.
Mipadayon ang golden run sa lain-laing disiplina, diin naghari si Dhendver John Castillo sa Men’s U19 IQ Foil windsurfing; gipukan usab sa Pilipinas Ultimate ang Singapore, 9–7, aron makuha ang gold sa Mixed Flying Disc division; ug nanguna si Melvin Sacay sa Men’s Modern Pentathlon Laser Run Individual sa oras nga 10:41.55 alang sa 659 puntos.
Mihatag og kusog nga one-two ang combat sports, diin ang Muay standout nga si LJ Rafael Yasay nakapuntos og second-round knockout batok sa Malaysian nga si Insyad Rumijam, samtang napildi ni Islay Erika Bomogao ang Thai nga si Arissara Noon-Eiad, 29–28, aron masiguro ang gold sa women’s 45kg final.
Mipadayon usab ang dominasyon sa Pilipinas sa esports pinaagi sa Team SIBOL, nga limpyong mipildi sa Malaysia, 4–0, sa Mobile Legends: Bang Bang gold medal match, aron makuha ang ilang ika-upat nga SEA Games title sukad gi-apil ang esports sa programa niadtong 2019.
Sa triathlon usab, nasentro ang endurance showcase, diin nakompleto sa Team Pilipinas ang clean sweep sa tanang tulo ka gold medals nga gipangunahan nila Kira Ellis, Raven Faith Alcoseba, ug Kim Mangrobang sa women’s relay; Inaki Emil Lorbes, Fernando Jose Casares, ug Matthew Justine Hermosa sa men’s team event; ug sa panapos nga mixed relay nga gidala nila Ellis, Casares, Andrew Kim Remolino, ug Alcoseba.
