BUTUAN CITY – Gihulat na sa Team Philippines ang pagpasabot sa Southeast Asian Games kalabot sa mga kwestyunableng desisyon sa nagpadayong padula sa Bangkok, Thailand.
Sigon ni Association of Boxing Alliances of the Philippines kon ABAP chairman Ricky Vargas, ilang namintina ang ilang gesture taliwa pa man sa klarong dili patas nga resulta sa pipila ka mga dula tali sa Team Philippines ug sa host country Thailand.
Partikular nilang gipalagan ang boxing events kondiin sa unang unom ka mga adlaw, siyam ka mga Thai boxers ang naka-abot sa finals – usa ka statistics nga kwestyunable kaayo.
Gitumbok usab sa Team Philippines sa gipadalang opisyal nga komunikasyon ngadto sa SEA Games organizers, ang away ni Pinay boxer Hergie Bacyadan batuk kang Manikon Baison sa ikatulong adlaw sa SEA Games alang sa women’s 70-kilogram kondiin napildi ang Pinay boxer via unanimous decision human ang 3 ka rounds rason nga iyang nakuha ang bronze medal kondiin dili matud pa patay ang gihimong point deduction sa katapusang round sa ilang away.
Gireklamo usab nila ang away ni Nesthy Petecio kondiin napildi ang Pinay boxer sa una hangtud sa ika-upat nga round taliwa sa mas daghang kinomo ang gibuhian ni Petecio ngadto sa iyang ka-atbang wala pa’y labot sa lain pang upat ka mga Pinoy boxers.
