BUTUAN CITY – Gi‑cite in contempt sa Senate Committee on Agriculture, Food and Agrarian Reform si Chinese trader Chaoquin Shi uban sa duha ka opisyal sa Bureau of Customs tungod sa mga inconsistent statements nga ilang gihatag atoli sa imbestigasyon kalabot sa agricultural smuggling nga natigayon sa nasud.
Kini nagpakita sa determinasyon sa Senado nga ipatuman ang accountability ug protektahan ang food security sa nasud. Sa maong pagdungog kaganina pagpanguna ni Committee chairman Francisco ‘Kiko’ Pangilinan, ang maong Chinese trader, konektado matud pa sa shipment nga gi-consign sa Berches Consumer Goods Trading apan gilimod niya kini sa komite.
Migawas sa imbestigasyon nga ang shipment, gisulayan pagi-route ngadto sa usa ka non-existent warehouse sa Angat, Bulacan, nga nagpakita sa klarong intensyon sa paglikay sa inspeksyon nga gi-abagan matud pa sa mga opisyal sa Bureau of Customs pagpanguna ni Juan San Andres, ang acting chief of assessment sa Port of Subic, hinungdan nga apil siya sa gi-contempt.
Aminado si Pangilinan nga ang agricultural smuggling, makonsiderang hulga sa national security tungod kay makadaut kini sa food security ug sa kinabuhi sa mga mag-uuma ug mangingisda.
Gawas pa kini sa dala niining mga illicit farm products nga makadaot sa lokal nga merkado ug makapaluya sa kita sa mga mag-uuma.
Hinuon gipadayag ni Pangilinan nga mahimong gamitong nag-unang testigo si Shi aron ma-utingkay pa ang mga opisyal ug ubang mga traders nga maoy utok sa nasangpit nga modus.
