BUTUAN CITY – Nasakmit ni John Derick “Jerich” Farr ang unang medalya alang sa Pilipinas sa 33rd Southeast Asian kon SEA Games, human kini mitapos sa ikatulong pwesto sa men’s downhill mountain bike nga gipahigayon sa Khao Kheow Open Zoo sa Chonburi, Thailand.
Natapos si Farr sa oras nga 2-minutos ug kapin sa 43-segundos rason nga iyang nasakmit ang bronze medal alang sa nasud.
Ikaduha sa pwesto si Rendy Varera Sanjaya nga maoy misakmit sa silver medal human natapos sa oras nga 2-minutos ug kapin sa 38-segundos samtang ang Thai biker nga si Methasit Boonsane maoy nakakuha sa gold medal human siya mitapos sa oras na 2-minutos ug kapin sa 37-segundos.
Bitbit gihapon sa mga atletang Pinoy ang tinguhang makadala og medalya sa nagkada-iyang pa-ugnat sa kusog.
