BUTUAN CITY – Gisita sa Commission on Audit (COA) ang Social Security System (SSS) tungod sa pagpalit og 143,424 ka mga tissue papers sa kantidad nga ₱13.195 milyon niadtong tuig 2024.
Sigon sa COA, ang maong ihap sa tissue paper rolls nga gipalit, misobra kapin duha ka buwan nga kantidad sa ilang gikinahanglang suplay rason nga wala na ma-igo sa ilang mga storage facilities.
Nadiskubrehan usab sa COA nga ang kasabutan alang sa pagpalit sa tissue papers, base sa verbal agreement ug wala’y bisan unsa mang suportang dokumento o pormal nga memorandum of understanding gawas pa nga wala nila planuhi ang pagpalit sa libuang mga tissue paper rolls.
Sigon sa COA, ang maong kantidad, mapahimuslan na unta sa 2,000 ka mga SSS pensioners o funeral benefits alang sa 650 ka namatay nang mga membro.
Gawas niini, migawas usab nga anaa sa P3-M ang mga underpayment sa SSS funeral benefits.
