BUTUAN CITY – Nagpadayon sa iyang kusog ang bagyong Verbena sa kasadpang bahin sa Southern Luzon samtang shear line ang maka-apekto sa eastern section sa Northern Luzon ug Northeast Monsoon usab kon hanging amihan ang maka-apekto sa ubang bahin sa Northern Luzon.
Base sa latest weather bulletin sa Philippine Atmospheric, Geophysical and Astronomical Services Administration kon PAGASA ning alas-tres sa kaadlawon, nakita ang sentro sa bagyo sa gilay-ong 230-kilometros sa amihanang bahin sa Pag-asa Island sa Kalayaan, Palawan dala ang kusog nga hangin nga moabot sa 110-kilometros matag oras duol sa sentro ug buylo nga mu-abot sa 135-kilometros matag oras samtang naga-irog pakasadpan, amihanang kasadpan sa kusog nga 20-kilometros amtag-oras.
Tungod niini, gi-isa karon ang typhoon signal number 1 ang Kalayaan Islands aron mapahimangnohan ang mga residente sa posibleng epekto sa bagyo.
Gilauman nga mogawas na kini sa Philippine Area of Responsibility ug molihok palayo sa nasud sa karung buntag apan gipasidan-an gihapon ang publiko nga magmatngon ug mag-andam sa posibleng ka-usaban sa lakat sa panahon.
