BUTUAN CITY – Sa maka-usa pa, gipruwebahan sa Bombo Radyo Philippines ang pagpanguna niini sa broadcasting human nasakmit ang tulo ka mga major awards gawas pa sa duha ka mga special citations atol sa 47th Catholic Mass Media Awards (CMMA) kagabii, kansa subling nagpalig-on sa commitment sa network ngadto sa kamatu-uran, pagka-responsible, ingon man community-oriented journalism.
Nanguna sa maong kada-ugan ang programang Bombo Special Report sa Bombo Radyo Phiippines nga maoy napiling Best Business News or Feature.
Samtang ang programang Bombo Network News sa Bombo Radyo Philippines mao usa’y napiling Best News Program sa ikaduhang sunod-sunod na nga tuig — usa ka back-to-back nga pag-ila alang sa flagship newscast sa network.
Samtang ang programang Pinoy Memories sa Star FM Iloilo, maoy nakadaog isip Best Entertainment Program award.
Nakadawat usab og special citation ang Bombo Radyo Philippines alang sa best counseling program pinaagi sa 102.7 Star FM Manila sa ilang Istoryang Pasada: Takbo program isip Best Counseling Program.
Anaa pa ang programang Bombo Lifestyle sa Bombo Radyo Philippines nga maoy napiling Best Public Service Program.
Ang ika-47 nga Catholic Mass Media Awards karong tuiga makahuluganon kaayo alang sa Bombo Radyo Philippines tungod kay nagpamatuod kini sa lig-on nga presensya sa network sa mga balita, public affairs, ug entertainment programming.
Gimugna niadtong tuig 1978 ni anhing Arsobispo Jaime Cardinal Sin, ang Catholic Mass Media Awards nagpasidungog sa mga indibidwal ug institusyon nga naggamit sa media sa pagpasibaw sa kamatuoran, pagtuboy sa tawhanong dignidad, ug pagdasig sa sosyal nga responsibilidad nga nahiuyon sa mga pagtulun-an sa Simbahan.
Gipahinungod sa Bombo Radyo Philippines kini nga mga pasidungog sa among mga matinud-anon nga tigpaminawan ug mga tumatan-aw sa Pilipinas ug sa gawas sa nasud, kansa padayon nga misalig ug suporta sa among 32 ka hingpit nga digitalized nga mga estasyon sa paghatud sa kasaligan nga mga balita, makahuluganon nga serbisyo publiko, ug makapadasig nga mga programa nga naghatag gahum sa mga komunidad.
Usa ka pasalig ug inspirasyon alang kanamo nga mobuhat ug mas dagkong mga butang sa programming ug serbisyo publiko.
