BUTUAN CITY – Suspendido na usab ang klase karong Martes, Nobyembre 11, sa pipila ka rehiyon sa naud tungod sa Super Typhoon Uwan (international name: Fung-Wong), base sa anunsiyo ng Malacañang ning hapuna.
Cover sa suspensyon ang Negros Island Region; National Capital Region; Cordillera Administrative Region ingon man ang mga Regions I; II, III, IV-A IV-B; V; VI; VII ug VIII.
Sa pagkakaron, andam na ang mga ospital ubos sa Department of Health (DOH) sa Amihanang Luzon isip preparasyon sa mahimong epekto sa Bagyong Uwan.
Sa DOH–Cagayan Valley Medical Center, gipatuman na ang surge facility conversion aron mapalapdan ang kapasidad sa ospital, ug gisusi usab ang mga medical supply ug emergency medicines sa tanang kritikal nga pasilidad sama sa intensive care unit (ICU), delivery room, ug mga ward. Adunay kini kapasidad nga hangtod 800 ka higdaan (bed capacity).
Sa DOH–Mariano Marcos Memorial Hospital and Medical Center sa Ilocos Region, andam na ang mga generator sets, electrical panels, wirings, ug drainage systems aron malikayan ang short circuit sa panahon sa baha. Nangandam usab sila og mga sandbags aron mapugngan ang pagsulod sa tubig sa sulod sa ospital.
Gibutang usab ang underwater pump aron mapaubos ug makontrol ang lebel sa tubig sa palibot sa ospital, ug gisiguro ang igo nga suplay sa pagkaon ug tubig nga igo sa lima ka adlaw para sa mga pasyente ug mga empleyado.
Samtang sa DOH–Batanes General Hospital, nadugang ang 103 oxygen tanks nga gikan sa Lungsod sa Maynila, ug andam na silang modawat og mga pasyente gikan sa mga silangang isla sama sa Sabtang ug Itbayat.
Nangandam usab sila og outpatient department ug duha ka tent isip dugang nga luna alang sa mga pasyente.
