BUTUAN CITY – Natapos sa draw ang away sa apo ni boxing legend Muhammad Ali nga si Nico Ali Walsh human niya naka-agbat si Kittisak Klinson sa Thailand sa 50th anibersaryo sa Thrilla in Manila nga gipahigayon sa Araneta Coliseum sa Quezon City.
Human ang walo ka round sa away, naghatag og 77-75 ang usa ka judge kang Klinson samtang 76-76 usab ang duha ka judges nga miresulta sa majority draw.
Sgon ni Walsh, nalipay siya og maayo tungod sa init sa pagdawat sa mga Pinoy fans kaniya dayong pahinungod sa iyang away ngadto sa iyang lolo nga boxing legend.
Madumdumang 50 ka tuig na ang nakalabay dihang gipahigayon sa Pilipinas ang makasaysayanong panag-agbat nila Muhammad Ali og Joe Frazier kondiin malampuson niyang nadepensahan ang iyang WBC world heavyweight title.
