-- ADVERTISEMENT --
BUTUAN CITY – Nasikop gilayon sa kapulisan sa Davao City ang 30-anyos nga lalaki nga residente sa Sitio Butay, Barangay Tapak, Paquibato District, Davao City human niini giuban-bunalan og kahoy ug pala sa iya ra mismong anak pasado ala-1:50 kaganinang kaadlawon.
Migawas sa imbestigasyon sa kapulisan nga nangape ang biktimang si Emilio Manlangan Manday-onan, 58-anyos, biyudo, usa ka mag-uuma ug miyembro sa tribung Ata ug kalit lang kining gisaka sa iyang anak ug gibunalan og kahoy ang nawong ug dihang wala pa makontento, gibunal-bunalan pa niya kini og pala hinungdan sa pagkirig hangtud nga namatay.
Gika-ingong personal nga bangi ang motibo sa kremin samtang gi-andam na usab ang pagpasaka og kasong parricide batuk sa suspetsado.
