BUTUAN CITY – Gisikop ang district engineer sa Department of Public Works and Highways (DPWH) sa Taal, Batangas human niini gisulayan pagsuhol si Batangas 1st District Representative Leandro Leviste og P3,126,900 aron dili siya i-apil sa imbestigasyon sa mga DPWH projects sa iyang distrito.
Sigon sa batan-ong kongresista, natigayon ang pagsulay pagsuhol kaniya niadtong Biernes sa district engineer nga gikan sa lungsod sa Balaya kinsa gi-ila lang niya sa alyas nga ‘Abe,’ Agusto 22, didto sa Brgy Poblacion, Taal, Batangas.
Naila na si Rep Leviste nga vocal kalabot sa kurapsyon sa mga infrastructure projects ug kamatu-uran niini ang iyang sugyot nga ang ₱250 billion nga flood control budget, ire-direct ngadto sa classroom construction, tungod kay na-usik ra man ang pundo tungod sa mga substandard nga trabaho ug overpricing sa mga tawong nalambigit sa maong mga proyekto.
Sigon sa kongresista, misaad matud pa si Engr Abe nga kunhuran og 5 ngadto sa 10-porsiento ang ₱3.6 billion budget, kansa bugti ngadto sa ₱180 hangtud ₱360 million ug sigon sa kongresista, kabahin matud pa kini sa “standard operating procedure” sulod sa ahensya.
Atol sa pagka-aresto, narekober sa mga otoridad ang salaping cash ug ang listahan sa mga DPWH projects.
Gidayeg ni Senador Panfilo Lacson ang batan-ong kongresista sa wala pakigkunsabo sa maong DPWH official.
