BUTUAN CITY – Gibulgar ni Senador Panfilo ‘Ping’ Lacson nga wala’y nakita sa lima ka mga flood control projects sa Naujan, Oriental Mindoro nga nagkantidad og un-bilyunes pisos apil na ang usa ka dike project nga gideklara nang completed sa Department of Public Works and Highways kon DPWH.
Sigon ni Lacson, ang Sitio Dike Project sa Brgy Apitong nga nagkantidad og 192.9-milyunes pisos, nakalatid sa DPWH website nga nahuman naapan dihang gi-inspeksyon sa iyang team, wala sila’y nakita.
Gikumpirma ni Brgy Kapitan Mel Elifona nga wala’y bisan usa ka dike nga gitukod sa ilang lugar tungod kay kung anaa pa ang maong proyekto, wala unta sila nabahaan.
Sigon usab ni Governor Jumerlito ‘Bonz’ Dolor, upat pa sa lima ka mga flood control projects nga nasulod sa 2024-2025 General Appropriations Act, wala usab nila makita kondiin ang matag-usa, nagkantidad og 200 hangtud sa 300-milyunes pisos.
Duha lang ang nakita sa maong barangay apil na ang proyekto sa contractor nga Sunwest Incorporated kondiin makita ang gi-stock lang nga mga kabilya ug pipila ka mga nalubong nga sheet piles.
Susihon pa sa Department of Budget and Management kon DBM kung napagawas na ang pundo alang sa mga missing projects.
