BUTUAN CITY – Ang kinabuhi sa tawo kung anang adlawa ka ra gayod kutob, bisan og makalingkawas pa sa unang paagi pagkutlo sa imong kinabuhi, duna pa’y laing insidente ang musunod.
Kini ang nahitabo sa 33-anyos nga si alyas Raymart nga taga-Brgy. Abangay, lungsod sa Pototan, Iloilo, kinsa human natigbasan sa iyang li-og ug ulo, natiwasan pa human nadasmagan ug nadamay pa ang iyang duha ka mga igsoon.
Sigon ni PMajor Bryan Alamo, hepe sa Pototan Municipal Police Station, gitigbas sa iyang bayaw ang biktima rason nga dali kining gidala sa iyang duha ka igsoon padulong sa ospital aron matambalan.
Sigon ni Alamo, nakadawat matud pa sila og tawag kalabot sa maong insidente ug dihang anaa pa sila sa dapit nga nahitabuan, nakadawat na usab sila og laing tawag tungod sa vehicular accident rason nga ila usab nga girespondihan.
Dako na lang ang ilang kakurat tungod kay ang lalaking gitigbas, mao man usab ang gisakay sa motorsikong nabanggaan og sakyanan human unang milapas sa center lane resulta sa ilang pagkabangga sa ilang kasugat.
Karon gisuta pa sa kapulisan kung ang kamatayon ni alyas Raymart tungod ba sa iyang tinigbasan o kaha sa pagkabangga kaniya sa sakyanan.
Nasayrang patay usab ang maguwang ni Raymart nga si Raymund nga maoy nag-alsa kaniya ug kritikal ang usa nila ka igsoong maoy nagmaneho sa motorsiklo.
