Nahulog sa majority draw ang away nila ni People’s Champ Manny Pacquiao ug ni World Boxing Council kon WBC welterweight champion Mario Barrios sa bag-ohay lang nahuman nga 12-round title fight sa MGM Grand Garden Arena sa Las Vegas, Nevada.
Usa ka hurado ang mipabor kang Barrios sa score nga 115–113, samtang ang duha usab ming-iskore og tabla nga 114–114. Puno sa aksyon ang kondiin nasaksihan sa tanan ang sinukliay og kinomo sa duha ka boksingero.
Apan wala’y usa sa ilang opensa ang nakahatag og igong impresyon aron mapili ang klarong mananaog, hinungdan nga nagpabilin kang Barrios ang titulo.
Bisan pa man sa resulta, si Pacquiao nagtuo nga siya ang midaog, dungan sa paghulagway niini nga “wonderful fight” dayong timbaya kang Barrios sa iyang kusog nga performance.
Kini ang unang duwa ni Pacquiao sukad sa tuig 2021 ug ikatulo nga draw sa iyang professional career.
Tungod niini, posibleng mopadayon pa siya sa boxing career kung tugotan sa Ginoo, apan kinahanglan og dugang nga panahon sa training alang sa mas andam nga preparasyon sa championship level.
