BUTUAN CITY – Malampusong nasikop sa ginsakpan sa Butuan City Police Station 1 ang usa ka carnapper sulod mismo sa iyang gi-carnap nga Toyota Vios pasado alas-7:10 kagabii didto sa Purok 10, Brgy. San Vicente, ning siyudad sa Butuan.
Ang maong sakyanan gipanag-iyahan ni Mary Ann Belgira Aviba , 51-anyos, minyo ug residente sa Purok 13, sa susamang barangay samtang ang suspetsdo, nailang si Richter Cañete Monzon, 38-anyos, ulitawo ug residente sa Purok 16 sa susama ra gihapon nga barangay.
Migawas sa imbestigasyon nga migawas sa iyang sakyanan ang reklamante aron unta magpa-load sa iyang GCash ug dihang sa iyang pagbalik, kalit ang kining nahanaw hangtud nga nakita na niyang gipadagan na kini apan nababagan kini sa iyang mga silingan rason nga dali silang nakapanawag og police assistance nga miresulta sa pagkasikop na sa suspetsdo sa may P-13 A sa susama gihapon nga barangay.
Gi-andam na sa kapulisan ang kasong carnapping nga ipasaka batuk sa suspetsadong anaa na sa ilang kostudiya.
