BUTUAN CITY – Gikumpirma ni Department of Justice (DOJ) Secretary Jesus Crispin “Boying” Remulla nga apil na sa listahan sa mga suspek sa pagkahanaw sa mga sabungero sila Charlie ‘Atong’ Ang ug ang aktres nga si Gretchen Barretto human nanggawas ang mga testimoniya nga nagkutay kanila sa maong kaso.
Sigon sa kalihim, i-assess na unya sa mga prosecutors ang mga ebidensya aron madetermina ang tukmang mga kasong ipasaka batuk kanila sa labing daling panahon.
Sa pagkakaron, mihimo matud pa sila og case build-up batuk nila Ang ug Barretto, dayong angkon nga dakong hagit ang ilang atubangon tungod sa impluwensya ug mga resources sa maong mga personalidad.
Duna matud pa sila’y mga gamhanang koneksyon ug daghang kwarta nga maoy ilang padulaon.
Iya usab nga gibutyag ang usa ka grupo sa 20 ka mga indibidwal nga gika-inong nalambigit sa e-sabong operations, nga gitawag niyang “alpha group”.
