BUTUAN CITY – Giklaro ni Commission on Elections kon COMELEC Chairman George Erwin Garcia nga wala’y kalabutan ang kaso ni kanhi Pangulong Rodrigo Duterte sa desisyon sa Korte Suprema kalabot sa “second placer rule.”
Gipadayag niining ang sitwasyon ni Duterte, kinsa nabilanggo karon sa International Criminal Court (ICC), naghatag lang og temporary vacancy sa iyang posisyon isip mayor sa Davao City, kansa dili matud pa makonsidereng permanente.
Sigon ni Garcia, lahi kini sa kasong Mangudadatu versus COMELEC, kondiin dili mahimong hulipan sa second placer ang kandidatong na-disqualify human nakansela ang iyang Certificate of Candidacy (COC).
Gipasabot niyang ang pagkansela sa Certificate of Candidacy, mahitabo lang kung duna’y mga legal nga isyu sama sa kakulang sa citizenship, residency, edad, rehistro sa botante, kakapas nga mubasa o musulat, o paglapas sa three-term limit rule.
Sa ingon niini nga mga kaso, duna’y permanenteng bakante sa puwesto, ug otomatikong mulingkod ang angayang muhulip.
Tungod niini, temporaryo lang ang paglingkod ni Vice Mayor-elect Sebastian Duterte isip acting mayor sa Davao City, samtang dili pa gawasnon si kanhi Pangulong Rodrigo Duterte.
