-- ADVERTISEMENT --
BUTUAN CITY – Mi-abot sa ₱238,000.00 nga kantidad sa gidudahang shabu ang nakumpiska sa gihimong drug buy bust operation sa mga sakop sa City Drug Enforcement Unit ug sa Butuan City Police Station kon BCPS1 kaganinang alas-nueve sa buntag sa usa ka inn sa Brgy. San Ignacio ning siyudad.
Nakuha kini gikan sa posisyon sa usa ka high value individual nga naila lang sa alyas nga Mondoy, 39-anyos, residente sa Purok 4, Emelia Compound, Brgy. Holy Redeemer, ang 35-gramos nga gidudahang shabu.
Nasayrang nadakpan na ang suspetsado niadtong tuig 2006 tungod sa susamang kalapasan ug karon, iyang atubangon ang kasong paglapas sa Republic Act 9165 kon mas nailang Comprehensive Dangerous Drugs Act of 2002.
