BUTUAN CITY – Ning kunhod na ang ihap sa mga walhong grupo sa rehiyon sa Caraga kung itandi sa mga nakalabayng katuigan. Kini ang obserbasyon ni Major Patrick Martinez, ang tigpamaba sa 4TH Infantry Division sa Philippine Army.
Sumala niini nga panahon nalang ang gihulat arun ma deklara na usab nga insurgency free ang ubang mga probinsya sa Caraga Region tungod sa pagkahuyang na kaayo sa mga rebeldeng grupo sa maong mga dapit.
Gani pa man, sumala sa opiysal nga mismong sa lugar diin daghan ang mga NPA kaniadtu nakuha ang mga arms cache niadtung nakalabayng adlaw kansa nagpasabot lamang sa kahuyang na sa nasangpit nga grupo sa maong lugar.
Dugang niini, wala na usab nakapadayon pa ang kampanyang “Permit to Campaign, Permit to Win” sa mga walhong grupo tungod kay mismong ang mga katawhan naman ang nakahinuklog nga walay-ayo ang nasangpit nga binuhatan, ilabi na nga walay kapuslanan kadtung mga kandidatong nakadaog sa eleksyon pinaagi sa nasangpit nga modus operandi.
Sumala sa opisyal nga hinoon, kwarta sa katawhan pa ang nahimong unang biktima sa nasnagpit nga kahimoan tungod sa mga nahitabong extortion.
Panawagan nalang ni Major Martinez sa mga anaa pa sa kalihukan nga mobalik na sa sabakan sa pangamhanan isip makita man usab kung unsa ka sensiro sa gobyerno sa ilahang mga saad ngadto sa mga manurrender, diin lakip sa ilahang mga tanyag mao ang bag-ong ugma pinaagi sa mga livelihood projects ug uban pang mga proyekto alang sa kalambuan sa panginabuhian.
