BUTUAN CITY – Mubalik sa The Hague, Netherlands si Vice President Sara Duterte sunod buwan aron bisitahon ang iyang nabilanggong amahang si kanhi Pangulong Rodrigo Duterte atol sa iyang adlaw’ng natawhan sa Mayo 31 ka-uban ang iyang inahang si Elizabeth Zimmerman.
Sigon ni VP Sara, una na siyang misaad sa iyang ginikanan nga magka-uban silang tanan sa iyang adlaw’ng natawhan human nga nakakuha na siya og permit aron subling makasulod sa detention facility diin natanggong ang kanhi pangulo.
Saysay pa ni VP Sara, niadtong naka-istorya niya ang iyang amahan, nahisgutan niini nga naghulat kini sa pagbisita sa kanhi asawa rason nga misaad siya sa iyang amahan nga mahitabo kini sa iyang birthday.
Unang mi-adto si VP Sara sa The Hague sa tunga-tunga sa Marso aron bisitahon ang amahan human gipa-aresto sa gobyerno ug gidala sa International Criminal Court.
