BUTUAN CITY – Mi-abot sa 150 ka mga van ug bus drivers ingon man konduktor ang gipa-ilalom sa surprise drug test kaganinang buntag sa mga sakop sa Land Transportation Office kon LTO-Caraga alang sa pagpatuman nila sa “Oplan Biyaheng Ayos: Semana Santa and Summer Vacation 2025.”
Sigon ni Joshua Salalac, hepe sa Law Enforcement Unit sa maong buhatan, tumong niini nga masigurong luwas ang mga biyaherong manguli sa ilang mga probinsya aron magbakasyon karon Semana Santa.
Alayon niini, makita matud pa ang ilang mga personahe sa mga public terminals ug mga pantala sa rehiyon aron masusi ang road worthiness sa mga pampublikong sakyanan ug masigurong luwas nga maka-abot sa ilang destinasyon ang mga sumasakay.
Samtang wala’y problema alang sa konduktor sa bus nga si James Yamuta, ang gihimong surprise drug test tungod kay mao man kini ang ikaayo sa mga pasahero.
Aminado kining delikado kung drug user ang driver tungod kay posibleng prone sa disgrasya ang manihuan niining sakyanan ilabina kung muhupas na ang epektong hatud sa gigamit niining ilegal nga druga.
Kampante usab siyang negatibo siya sa drug test tungod kay wala sila sukad makagamit niini sukad sa siyam ka tuig na niyang pagpanarbaho.
