BUTUAN CITY – Nagpaticket na ang driver sa convoy nga sakay matud pa si Philippine National Police (PNP ) chief General Rommel Marbel human nga miagi sa EDSA Bus way.
Gikumpirma ni PNP spokesperson Brig. General Jean Fajardo nga mga tag-as nga opisyal sa kapulisan ang sakay sa convoy.
Wala na lang niini gibutyag ang pangalan sa mga opisyal para na usab sa ilang kaluwasan.
Padulong matud pa sa Camp Crame ang convoy tungod sa dunay closed-door meeting nga himoon diin kinahanglan ang presensiya sa mga tag-as nga opisyal.
Dugang pa niini nga human nga mahatod ang mga opisyal sa PNP mibalik ang driver convoy ug sila nagpaticket sa Department of Transportation-Special Action and Intelligence Committee for Transportation (DOTr-SAICT).
Nagpabilin usab ang mga escort nila nga naka-motorsiklo isip pagseguro nga mobalik ang mga drivers sa convoy.
Andam matud pa silang magpasabot sa DOTr diin ang PNP maoy mangunang magrespeto sa balaod trapiko.
Mahinumduman nga hugot nga gibawal sa DOTr-SAICT sa pag-agi sa EDSA Busway diin limitado lang kini sa mga tag–as nga opisyal sa gobyerno sama sa Pangulo sa Pilipinas ,og mga emergency nga sakyanan.
