BUTUAN CITY – Ubay-ubay nga mga indibidwal ang milambigit sa unity walk, interfaith prayer ug covenant signing nga gapahigayon dinhi sa dakbayan sa Butuan kaganinang buntag, Pebrero 8 ning kasamtangan nga tuig.
Sigon ni Atty. Geraldine Samson, assistant regional executive director sa Commission on Elections kon COMELEC-Caraga, usa kini ka nationwide activity nga gipangunahan sa Philippine National Police kon PNP nga gisalmutan sa tanang hingtungdang ahensya sa gobyerno ingon man mga stakeholders aron mahimong hapsay ug malinawon ang midterm elections karong Mayo.
Bisan og nationwide, dili matud pa tanang lugar ang mihimo sa nasnagpit nga aktibidad karong adlawa tungod kay ang uban, duna’y nasabutan nga lahing petsa kansa himuon ra usab niining buwan sa Pebrero. Apan dinhi sa Caraga Region, simultaneous kining gihimo ning adlawa, base na usab sa nasabutan sa mga regional directors sa nagkada-iyang ahensya sa gobyerno.
Highlight niini nga kalihukan ang interfaith prayer aron buligan nga mahimong hapsay ug malinawon ang umalabot nga eleksyon
