BUTUAN CITY – Wala damha sa pamilyang Tinapay sa may Purok 6, Barangay San Isidro, Sagbayan, Bohol nga madisgrasya ang usa ka tuig og tunga palang nga anak human nasulod sa balde kagahapon sa alas 8:00 sa buntag.
Nasayran nga patay nang nadiskubrehan ang maong biktima nga nasulod na sa balde. Nagdula-dula lang matud pa kini kauban ang iyang mga igsoon sa gawas sa ilang panimalay samtang ang ilang ginikanan namahaw sa tupad ra nga balay.
Ang silingan na matud pa ang nakamatikod nga ang bata nagduwa-duwa sa balde ug gipahibalo ang ginikanan diin gisugo usab niini nga kuhaon ang biktima apan wala kini naglihok pa nga gitoohang patay na.
Ang biktima mao ang ika-upat sa lima ka anak sa maong magti-ayon.
Sa kasamtangan, ang lawas sa biktima gibutang na sa purenarya.
