Amahan sa Tagum City, gipatay sa kaugalingong anak; giputol ang ulo, gikuha pa ang mga tinae og gibutang sa kaha

BUTUAN CITY – Daling nadakpan ang usa ka anak human niini ngil-ngig nga gipatay ang iyang kaugalingong amahan pinaagi sa pagputol sa ulo, gikuha pa ang internal organs og gisulod sa kaha.

Natigayon kini kaganena lang alas 6:00 sa buntag sa Purok 1A- Gapas, Barangay Madaum, Tagum City.

Base sa inisyal nga impormasyon, gitigbas sa anak nga si alyas Bal ang iyang amahan nga si alyas Loloy.

Wala pa makuntento ang suspek, iyaha pa kining gilunggoan sa ulo ug gihabwa ang mga internal organs ug gisulod sa kaha.

Gitoohang dunay diperensiya sa pangisip ang biktima apan ang uban mibutyag nga tungod na usab kini sa ilegal nga drogas.