BUTUAN CITY – Mu-abot sa kapin ₱1,000,000.00 nga kantidad sa ilegal nga drugas ang nakumpiska sa unang duha ka semana ning bulan sa Enero, 2025 sa tulo ka mga illegal drug operation diin ang pinakadako natigayon niadtong Enero 10 sa Purok-6, Barangay Poblacion, Cagwait, Surigao del Sur. Nasayrang sobra sa ₱700,000.000 pesos ang kantidad sa nakuhang drugas gikan kang Ariel Lozada apil na ang .22 nga kalibreng pistola.
Gisundan kini niadtong Enero 11 sa Purok-7, Barangay San Juan sa Surigao City diin nadakpan ang usa ka Ken Randoulph Capucanan.
Samtang sa nakalabay nga adlaw lang, Enero 16, nasikop sa drug buy bust operation sa Purok-10, Barangay Poblacion, Prosperidad, Agusan Del Sur si Armand Abades nga residente sa maong lugar.
Sigon ni Dindo Abellanosa, tigpamaba sa Philippine Drug Enforcement Agency kon PDEA-Caraga, seguradong madugangan pa ang nasangpit nga mga kalampusan tungod sa kadaghan sa ila karong mga priority targets.
