BUTUAN CITY – Mihatag og pagpasabot si Comelec -Caraga Regional Director Edwin Cadungog sa mga punto nga nahilatid sa Comelec Resolution Number 11067 atol sa simultaneous nga kickoff ceremony sa Comelec Checkpoint kaganinang buntag diin dinhe sa siyudad sa Butuan gihimo kini sa Barangay Bancasi.
Lakip sa punto nga giklaro niini ang mahitungod sa ginadiling dalhon sa usa ka indibidwal diin sumala pa ni Director Cadungog wala na gikonsidera nga deadly weapon ang bladed weapon rasong kung dunay masapon niini, regular nga kaso ang isang-at og dili ang kalapasan sa balaod sa comelec.
Nasayrang lakip ang deadly weapon sa mga armas, explosibo og mga components niini ang ginadiling dalhon sa pampublikong lugar.
Gibutyag pa sa opisyal nga ugaling dunay makita nila nga armas ilabina sa pagpahigayon og checkpoint, dili nila kini basta nalang arestuhon kundi pangayoan una kini og certificate of authority og kung wala mapakita, dinhe na kini arestuhon adiser mohimo og pag-search sa sakyanan. Human niini, kinahanglang nakalatid ang maong pag-aresto sa logbook.
Samtang gi-awhag usab niini ang mga indibiwal nga gustong mo-avail sa security personnel nga mo-apply na kini aron magamit pa kini samtang nagkadool ag election.
Kini tungod kay giangkon sa opisyal nga taas ang proseso sa himoong threat assesment og ang central office pa ang mo-apruba niini.
Nasayran nga nahimong malampuson ang gipahigayon nga kickoff ceremony comelec-checkpoint kaganina buntag nga Gitambongan sa kadagkoang opisyales sa Comelec regional Office 13 og Comelec-Butuan uban sa Philippine National Police, Armed forces of the Philippines, ingon man sa Philippine Coast Guard ug sa uban pang mga ahensya.
