BUTUAN CITY – Nag-panic karon ang libuang katawhan sa Los Angeles, California tungod sa wildfire nga paspas kaayong mi-abo sa mga buildings kondiin gipabakwit na ang katawhan tungod sa hulga sa kinabuhi nga hanging mipaypay pa sa kalayo.
Gi-abandona na sa nangahadlok nga mga residente ang ilang mga sakyanan ug nagdagan nga gisubay ang mga dalan pasulod ug pagawas sa Pacific Palisades area, aron makapalayo gikan 310-ektaryang kalayo nga milamoy karon sa maong lugar diin natukod ang minilyon dolyares nga balor sa mga pinuy-anan ilabina sa Santa Monica Mountains.
Migamit na og mga bulldozers ang mga bombero aron ipangtuklod ang gipang-abandona nga mga sakyanan palayo sa dalan. Ubay-ubay nga mga mahalong sakyanan ang gipadaplin aron lang maka-agi ang mga tawong naglumba og dinaganay.
