BUTUAN CITY – Giatake sa kasing-kasing ang usa ka amahan sa China human kini nasuko pag-ayo sa iyahang anak atul sa pag tudlo niini sa iyahang pagtoon alang sa eskwelahan.
Sumala sa report nga naila lamang ang maong lalaki nga si Zhang, kansa gitabangan ang anak niini alang sa iyahang preparasyon para sa secondary entrance exam.
Nagkalalis ang duha tungod ra sa wala pag-sinabtanay sa gitun-an sa bata ug ning abot sa punto nga gidala na sa Hospital ang amahan, na diagnose kini og acute myocardial infarction.
Sigon sa mga doktor nga gihimo matud pa nila ang emergency artery bypass surgery kang Zhang rason nga naka-ikyas ra kini sa kamatayon. Sumala usab sa mga kapulisan nga nagka-walay ayo matud pa ang relasyon sa mag-amahan human nga nag apil-apil na si Zhang sa preparasyon sa iyahang Junior Highschool nga anak alang sa entrance exam niini.
Tungod sa maong issue, ning gawas na usab sa mga mantalaan ug sa social media ang pressure nga gina-atubang sa mga intsik nga mga estudyante karong panahona, diin gina imposar nga pressure sa ilaha ra usab nga mga ginikanan, kansa kasagrang maka sinati nalang ug physical ug mental stress tungod sa pagpamugos nga mamahimong academically competitive ilahang mga anak.
