BUTUAN CITY – Gi-angkon sa nag-Top-8 sa bag-ohay lang migawas nga resulta sa September 2024 Licensure Exam for Teachers nga iyang gi-ampo ang pag-Top sa maong eksaminasyon.
Apan sumala ni Lanie Araneta nga taga Buenavista, Agusan Del Norte, human sa pagtake sa exam dili siya kumbinsido kung mag-top ba siya apan iya gayud kining gi-ampo og gitubag sa Ginoo.
Kini ang rason sa hilabihan nga kalipay sa dihang nakumpirma ang iyang pag-top sa maong exam
Si Lanie araneta, top 8 sa September 2024 Licensure Exam for Teachers secondary level nga dunay passing rate nga 93.00 percent.
Nasayrang natapos ni Araneta ang iyang kursong Bachelor of Secondary Education major in Mathematics sa Caraga State University.
Nasayrang Top 10 usab ang classmates ni Araneta nga si Kadmiel Israel Serrano nga dunay passing rate nga 92.60 percent.
Sa elementary level, Top 9 usab ang taga CSU nga si Gerabelle E. Lincuna sa passing rate nga 92.40% og Top 10 si Chamie D. Tejada nga dunay 92.20% nga passing rate.
