BUTUAN CITY – Mipalag si Pangulong Ferdinand ‘Bongbong’ Marcos Jr. sa pagpamalikas ug pagbahad ni Vice President Sara Duterte sa iyang kinabuhi apil na sa unang ginang ug kang House Speaker Martin Romualdez. Reaksyon kini sa pangulo nga iyang gipagawas, duha ka adlaw human ang bahad ni VP Sara nga ipapatay silang tulo kung mamatay siya.
Sa iyang video vlog, wala gihisgutan sa pangulo ang pangalan sa iyang bise presidente apan iyang gipadayag nga kung ingon niini lang kadali ang pagbahad nga gihimo ngadto sa usa ka presidente, dili matud pa kini lisod nga himuon ngadto sa mga ordinaryong Pilipino ug dili matud pa angayang palabyon ang ingon niini nga bahad.
Trabaho matud pa niya isip hepe sa Executive Department nga tumanon ang iyang tahas nga proteksyunan ug atimanon ang Konstitusyon ug mga balaud.
Palakbit pa sa presidente, sayop matud pa ang pagpugong sa mga piniling opisyal sa ilang imbestigasyon aron masayran ang kamatu-uran kalabot matud pa sa mga istoryang naglimen sa mga checheria nga mao; matud pa’y hinungdan sa natigayon karon nga mga drama.
Gidepensahan usab niini ang gihimong imbestigasyon sa duha ka balay bala-uranan sa Kongreso nga iya matud pang naagi-an.
Bisan matud pa sa mga hagit nga gi-atubang karon sa iyang administrasyon, padayon ang iyang pagserbisyo. Apan dili matud pa niya ikompromiso ang rule of law rason nga iyang ipatigbabaw ang balaud sa bisan unsa mang sitwasyon ug si bisan kinsa man ang ma-igo.
