BUTUAN CITY – Sa unang higayon, mipatim-aw na ang upat ka mga opisyal sa Office of the Vice President (OVP) nga gi-cite for contempt sa Committee on Good Government and Public Accountability tungod sa pag-snub sa pipila nila ka mga imbitasyon.
Atol sa hearing, gikumpirma sa committee secretariat ang presensya sulod sa hearing room nila:
- Assistant Secretary Lemuel Ortonio – Assistant Chief of Staff and Chair of the Bids and Awards Committee
- Gina Acosta – Special Disbursing Officer (SDO)
- Sunshine Fajarda – former Department of Education (DepEd) Assistant Secretary ug
- Edward Fajarda – former DepEd official
Ang pagtambong sa upat ka mga opisyal natigayon human gibutyag ni committee chairperson ug Manila 3rd District Rep. Joel Chua nga ang maong mga resource persons nagpadala og mga feelers aron ipahibalo ang pagtambong nila sa hearing.
Madumdumang niadtong November 11, gi-cite for contempt ang maong mga opisyal pinaagi sa motion ni Antipolo 2nd District Rep. Romeo Acop, tungod sa padayon nilang pagmagahi pagsabong sa mga ibitasyon ug sa mga summons nga ilang gipadala.
Ang presensya sa upat ka mga opisyal gitu-uhang maoy yawe aron maklaruhan ang gil-imbestigahna nilang sayop nga paggamit sa public funds sa mga buhatan ilawom sa liderato ni Vice President Sara Duterte — sama sa OVP ug ang gihuptan niya kaniadtong Department of Education (DepEd).
Gila-uman sa mga magbababalaud nga makahatag ang upat og katin-awan sa mga isyu kalabot sa mga acknowledgment receipts kon ARs alang sa confidential fund (CF) expenditures nga gihimo sa OVP ug DepEd ilabina nga duna’y mga higayon nga ang confidential fund, gidawat sa susamang tawo apan lahi ang pirma.
Niadtong Nobyembere 20, gipakita ni Lanao del Sur 1st District Rep. Zia Alonto Adiong ang duha ka mga ARs — kondiin ang usa alang sa OVP samtan ang usa, gikan sa DepEd — nga parehong gipirmahan sa usa ka Kokoy Villamin.
Gipirmahan ni Villamin ang AR alang sa confidential fund expenditures sa OVA niadtong Septembre 17, 2023.
Samtang ang AR alang sa CF expenses sa Deped wala’y makitang petsa apan gipirmahan gihapon kini ni Villamin, nga gika-ingong gikan sa Ozamis City, Misamis Occidental.
Ang pirma ni Villamin sa AR sa OVP, dili na mao ang makita sa AR sa DepEd.
