BUTUAN CITY – Nagpadayon ang mga public hearings sa Regional Tripartite Wages and Productivity Board kon RTWPB-Caraga kalabot sa wage increase kondiin karong adlawa, gipahigayon kini didto sa lungsod sa San Francisco, Agusan del Sur human ang unang pagpahigayon niini niadtong Lunes, Nobyembre 18 dinhi sa dakbayan sa Butuan nga gitambungan sa nagkada-iyang sektor sa katilingban nga concern sa usbaw sa suhulan.
Sa eksklusibong pakighinabi ning sibyahan, gibutyag ni Earl de la Victoria, Board Secretary IV sa Regional Tripartite Wages and Productivity Board kon RTWPB-Caraga, sunod-sunod ang ilang pagpahigayon niini nga sundan karon na usab umalabot nga adlaw’ng Lunes nga himuon didto sa Surigao City sakop sa lalawigan sa Surigao del Norte.
Alayon niini gihangyo sa opisyal ang mga gustong manambong nga mu-adto lang sa venue aron maplastar na ang tanan adiser ang usa ka tuig nga anibersaryo sa pagpapasar sa Wage Order No. 18 alang sa kasamtangang minimum wage nga 385-pisos matag-adlaw.
