BUTUAN CITY – Gihukman sa korte sa Hong Kong og pagkabilanggo ang mga nag-unang pro-democracy leaders tungod sa kasong subversion, human ang kontrobersyal nga national security trial.
Sila Benny Tai ug Joshua Wong apil sa gibansagang Hong Kong 47, ang grupo sa mga aktibista ug mga magbabalaud nga nalambigilt sa plano pagpili og mga opposition candidates alang sa local elections. Si Tai gihukman og 10 ka tuig nga pagkabilanggo samtang si upat ka tuig usab kang Wong. Kadaghanang mga membro sa maong grupo, nahukmang guilty sa pakigkunsabo sa attempt subversion, samtang duha ang na-acquit.
Ang pagtaral kanila nagmarka sa pinakadakong paggamit sa dilli maayong national security law kon NSL kansa gipatuman sa China ngadto sa Hong Kong human ang pro-democracy protests niadtong 2019. ANg maong mga demonstrasyon nagpatapok sa sa libuang katawhan sa kadalanan sa Hong Kong sulod sa pipila ka mga buwan. Na-trigger sa proposed government treaty nga magtugot sa extradition gikan sa Hong Kong ngadto na sa mainland China, paspas nga mikaylap ang maong mga protesta nga nagsinggit og reporma sa demokrasya.
Sigon sa mga observers, ang nasangpit nga balaud ug ang resulta sa pagtaral, nakapahuyang sa demokrasya sa maong siyudad ug sa rule of law, ug nagtugot pa sa China ang kontrolon ang maong siyudad.
