BUTUAN CITY – Full force ang pwersa sa King Multi-Purpose Cooperative kon King Coop pagsuporta sa Dugong Bombo 2024 dili lang isip sponsor kondili isip mga blood donors usab human nga duha sa ilang mga empleyado ang malampusong naka-donate sa ilang dugo.
Sigon ni King Coop – Butuan City branch manager Gerwin Guisando, apil sa ilang socio-civic responsibility ang pagtabang sa katawhan panahon sa kalamidad ug sa ingon niini nga kalihukan diin gamiton sa mga nagkinahanglan ang matigom nga dugo. Nanawagan ang opisyal ngadto sa tanan nga magpakuha na og dugo aron makatabang sa mga tawong nanginahanglan niini.
Dakong kalipay usab ang gibati sa usa sa ilang mga staff nga si Ronio Ejares nga milampos siya sa iyang tinguha nga maka-donate og dugo aron magamit sa mga nanginahanglan niini.
