BUTUAN CITY – Dili gihapon mu-atubang sa sunod nga pagdungog sa House Committee on Good Government and Public Accountability si Vice President Sara Duterte bisan pa man sa personal nga pagdawat sa imbitasyon sa komite dihang mitambong siya pagdungog sa House Quad Committee isip suporta sa iyang amahang mitambong niini.
Sumala sa bise presidente, magpadala na lang sila og sulat aron ipasabot ang mga rason kung nganung dili na kini moadtu sa House hearing nga gipangunahan ni Manila 3rd district Rep. Joel Chua.
Pamugos pa niini, dili man gihapon paminawan ang ilang mga ipanulti ug ipasabot mahitungod sa detalye sa pondo rason nga mas maayo pang dili na sila magsayang og oras nga mu-atubang sa nasangpit nga tigum.
Ang bag-ong pamahayag sa ikaduhang pangulo gipadayag niini dungan sa gitambongang selebrasyon sa 89th Founding Anniversary sa Office of the Vice President sa Mandaluyong City.
