BUTUAN CITY – Mas mikusog pa karon ang bagyong Marce (international name: Yinxing) samtang padayong mikuso-kuso pakasadpan amihanang kasadpan sa northern Cagayan ug Babuyan Islands area.
Sa kasamtangan, ang sentro sa bagyong Marce nasigpatan sa gilay-ong 200 km sa sidlakang bahin sa Aparri, Cagayan, dala ang huros sa hanging mu-abot sa 155 km/h dul sa sentro; ug buylo nga mu-abot sa 190 km/h kondiin naga-irog kini sa kusog nga 15 km/h.
Gi-isa karon ang tropical cyclone warning signal (TCWS) No. 4 sa northern portion sa mainland Cagayan, Babuyan Islands, ug northeastern Apayao kansa naka-high alert tungod sa gila-umang paghapak sa bagyo sa musunod nga 12-oras kondiin ang dala niining huros sa hangin posibleng mu-abot sa 118 hangtud 184 km/h, nga magdala og dakong hulga sa kinabuhik ug mga kabtangan.
Samtang TCWS No. 3 usab sa southern portion sa Batanes, nahabiling bahin sa Cagayan ug Apayao, Ilocos Norte, ug northern Abra kondiin ilang masinatian ang huros sa hanging mu-abot sa 89 hangtud 117 km/h.
TCWS No. 2 ug No. 1 usab sa Batanes, pipila ka bahin sa Isabela, ug ubang probinsya sa northern Luzon kondiin gila-umang ilang masinatian ang gale-force ngadto sa kusog nga hagin samtang ang kabaybayunan niining mga lugara, duna’y mga dgkong balud.
Gipahimangnuan na ang mga marino ug mga residente sa mga coastal areas sa maong mga lugar alang sa storm surges, nga gila-umang mulapas sa 3-metros ilabina sa ubos nga mga lugar sa Batanes, Cagayan, Babuyan Islands, Ilocos Norte, Ilocos Sur, ug La Union.
