BUTUAN CITY – Nasikop sa gipahigayong Oplan Bolilyo kon kampanya batuk sa illegal numbers game ang usa ka ginang nga nagpataya niini pasado alas-sais kagabii sa may Village 2, Brgy. Libertad ning siyudad sa Butuan. Naila ang nadakpan nga si Maribel Inutan Salan, 54-anyos, dalaga ug residente sa Brgy. Talisay, Nasipit, Agusan del Norte.
Nakuha gikan sa iyang posisyon ang usa ka 50-pisos nga marked money ug mga illegal gambling paraphernalia nga gamiton sa pagpataya og swertres. Gisaksihan ang nasangpit nga operasyon sa mga konsehal sa Brgy. Libertad nga sila Rochelle Gambe ug Urcesio Tobias.
Giplastar na usab ang mga dokumento ug mga ebidensyang gamiton sa pagpasaka og paglapas sa Republic Act No. 9287 batuk sa dinakpan nga gikostudiya na sa Butuan City Police Station 3 alang sa tukmang disposasyon.
