BUTUAN CITY – Hugot nga gikondena sa Alyansa Tigil Mina, ang pagpusil-patay sa kapitan sa Brgy. Puyat, Carmen, Surigao del Sur nga si Alberto Cuartero samtang duna’y meeting sa usa ka restaurant sa Madrid, Surigao del Sur.
Sigon ni Tel Yprraguerre sa Alyansa Tigil Mina sa eksklusibong pakighinabi ning sibyahan, usa ka anti-mining advocate ang biktima kinsa gusto lang panalipdan ang kina-iyahan gikan sa mga mining activities.
Ang mas gikasubo nila tungod kay nagkadaghan na nga mga anti-mining advocates ang gipangpatay. Base sa pinaka-ulahing impormasyong ilang nakuha gikan sa kapulisan, wala pa ma-ilhi ang mitiro sa kapitan ug sa ka-uban niining si Ronde Asis kinsa napatay usab sa maong insidente. Nasuta nga ang biktimang kapitan, usa matud pa sa mga witnesses sa lokal nga panggamhanan sa Carmen batuk sa usa ka mining company sa nasangpit nga lungsod.
Ang sunod-sunod matud pa nga insidente sa pagpamatay sa mga environmental activists maoy nagpahimo sa Pilipinas nga pinakadelikadong nasud alang sa maong mga aktibista, base na sa gihimong survey sa international watchdog global nga Global Witness.
Si Tel Yprraguerre sa Alyansa Tigil Mina sa pakighinabi ning sibyahan.
