BUTUAN CITY – Sa maka-usa pa, subling gipruwebahan sa Caraga State University ang ilang pagdomina sa licensure examination human sila nag-number 2 sa top 10 performing schools sa September 2024 Licensure Examination for Social Workers.
Nanguna sa listahan sa Professional Regulation Commission kon PRC, ang Bicol University sa Daraga, Albay human nga siento-porsiento sa 116 nila ka mga examinees ang mipasar. Susama usab sa ilang pwesto ang Davao del Norte State College dihang ang 78 nila ka mga examinees ang mipasar niini.
Anaa sa ikaduhang pwesto ang Caraga State University ning siyudad sa Butuan human nga 101 sa ilang 102 ka mga examinees ang mipasar kon bugti sa 99.02-porsiento sa maong ihap.
Anaa sa ikatulo hangtud sa ikanapulo nga pwesto ang Bicol University sa Tabaco, Albay, dayon ang Mindanao State University sa Marawi City; Cavite State University; Pamantasan ng Lungsod ng Manila; University of Mindanao sa Davao City; Pangsinan State University sa Lingayen, Pangasinan; Bulacan State University sa Malolos ug Cagayan State University sa Tuguegarao City.
