BUTUAN CITY – Giklaro ni Police Corporal Jevan de los Santos, imbestigador sa Nasipit Municipal Police Station nga padulong pa lang unta magaligo og dagat ang tulo ka mga grade 9 students sa Nasipit National Vocational School nga nalumos ning mi-aging adlaw sa Brgy. Punta kondiin usa ang namatay.
Sa eksklusibong pakighinabi sa Bombo Radyo Butuan, gibutyag niining nagkahagaray ang magbarkada atol sa lunch break nga didto mani-udto sa seawall aron maligo pagkahuman.
Apan gihapak sila sa dagkong balud kondiin nadagit si Norman Adriano, residente sa Brgy. Triangulo sakop sa maong lungsod. Dali kining gitabang sa duha niya ka mga ka-uban apan tungod sa kadagko sa balud nga mikuso-kuso kanila, rason nga dugay nilang nabangalan ang biktima rason nga wala na kini maluwas pa.
