BUTUAN CITY – Plano sa grupo sa transportasyon nga Pagkakaisa ng mga Samahan ng Tsuper at Operator Nationwide kon PISTON nga mu-uban sa tulo ka adlaw nga hunong-pasada sa Samahang Manibela Mananakay at Nagkaisang Terminal ng Transportasyon kon MANIBELA sunod semana.
Sigon ni PISTON national president Mody Floranda, maglusad sila lapad nga transport strike dili lang sa National Capital Region kondili sa tibuok nasud.
Makigsulti matud pa siya ni MANIBELA head Mar Valbuena aron plantsahon ang ilang sunod nga plano human gibarugan ni Pangulong Ferdinand Marcos Jr. nga dayon ang pagpatuman sa Public Transport Modernization Program taliwa sa mga panawagan nga suspendihon kini base sa resolution sa 22 ka mga Senador.
Gibutyag usab ni Floranda nga dapat tun-an sa pangulo ang resolution sa Senado.
