BUTUAN CITY – Nahimong emosyunal ang tanang nakasaksi sa usa ka lalaki sa Bangkal area sa Davao City, ngamikatkat ibabaw sa billboard aron unta musulay paghunos sa iyang kinabuhi dihang nasayran nga duna na’y laing hinigugma ang iyang asawa nga mi-abroad.
Migawas sa inisyal nga imbestigasyon sa kapulisan sa Davao City Police Office nga na-depress sa iyang nasayran si alyas Roland rason nga kursunada niining gikatkat ang billboard ug naglingkod-lingkod pa sa ibabaw kansa daling girespondihan sa kapulisan uban sa mga taga-City Disaster Risk Reduction and Management Office.
Naka-abot usab sa maong dapit ang iyang anak nga maoy mihangyo kaniyang mukanaog na tungod kay wala na matud pa’y mu-atiman kaniya kung duna’y dautang mahitabo niini dayong butyag nga ‘love’ nila kini.
Dinhi na nakumbinsi si Roland sa pagkanaog kinsa gidala gilayon sa police station ug gikatakdang pasakaan og kasong alarm and scandal tungod sa kahasol nga hatud niini ngadto sa publiko.
