BUTUAN CITY – Gihagit ni Pangulong Ferdinand ’Bongbong’ Marcos Jr., si Education Secretary ug Senador Sonny Angara nga siguruhong matutukan ang kalambuan sa edukasyon sa kabataan sa ingon maba-id pa ang potensyal sa mga Filipino nga dakong tabang unya sa ekonomiya sa nasud.
Sa iyang SONA, gipadayag kini sa pangulo human migawas sa pagtuon sa World Bank nga ang promising economic growth sa nasud, mugna sa manpower kon abilidad sa mga Filipino.
Upat ka tuig na matud pang gidugangan sa gobyerno ang budget alang sa inclusive development sa mga Filipino, dili lang sa pagkaon, nutrisyon ug panglawas apan apil na sa edukasyon ug training.
Kinahanglan matud pang tutukan sa bag-ong kalihim sa edukasyon ang pagkab-ot sa ideal sa proficiency level human nga halos katunga sa mga magtutungha sa grades 6, 10 ug 12 ang nabagsak sa mga skills sa information literacy, problem solving ug critical thinking,
Kini ang hinungdan nga ipadayon sa pangulo nga wala’y balda ang National Learning Recovery Program ilabina sa basic education.
